1. |
ASMO UMELAK
02:59
|
|||
|
Utzi nazazu
zuregana gerturatzen,
zuri begietara begiratzen.
Utzi, utzi,
nire asmoak aitortzen.
Utzi nazazu
zu gehiago ezagutzen.
Zure gorputzeko txoko guztiak
nire ezpainek bisitatzen;
elkarrekin biluzik dantzatzen.
Utzi nazazu
zure arnasa edaten.
Zure laztan leunek nire azalean,
hotzikara eroak sorrarazten,
zure lurrina nire ohatzean grabatzen.
Utzi nazazu
ene ametsik umelenak egi bihurtzen.
Zure ai ene!-ak, zure ai ene!-ak
nire zentzuak berotzen
|
||||
2. |
SAMO
01:41
|
|||
|
New Yorkeko abenidetan
Haizeak usai bat darama
Kalekume bat, spray margoa
Eta bizitzaren zama
Mila aldiz marraztu nuen
Mundu ustel honen drama
Artea zen nere bizitza
Ez diru eta ez fama
Gustu orokorraren begietan
Sartu nuen nire hatza
Etxeko ate eta errezeletan
Nire pintzela ibili zen dantzan.
Ni naiz Down Towneko neska progre guztiekin
Larrua jo zuena
Kalean ni naiz Samo
Basquiat da nire izena
Bizitzaren baladan
kaleetan mila pintada
Nire izanaren islada
Ni naiz Jean Michel Basquiat.
Ausardiaren gaitzak
ekarri zuen ekaintza
Hona hemen nire emaitza
Bakoitzak berea dauka.
Ni naiz, ni naiz, ni naiz
Gizon madarikatua
Diru mordoxka baten truke
Belaunikatzen ez dena.
|
||||
3. |
BASQUIAT
03:17
|
|||
|
Ni naiz Basquiat
haur problematikoa
topera bizi nahi zuen rasta ileko gazte xalo.
Ni naiz Basquiat
merkatuak irentsia
maitagarria, jasangaitza
sakona, azalekoa
naturala, artifiziala
zuk nahi duzuna, jada hilik nagoenez gero.
Ni naiz hori
dirurik ez zeukanean edo
bere gameluak huts egiten zionean
Washington Squaren lo egiten zuena.
Bi telebista eta bi gramola
topera jarrita pintatzen zuena
lapurra, bilaua, aingerua, errege koroatua
frakasoaren ama eta amama arrakastaren semea.
Eta bilo rasta bis biloba begien hondoan.
Haur bozatu baten tristura bistakoa zuena
nola ez hogeita zazpi urterekin gaindosiaz hil zena
lurpetik besoa atera nahi duena.
Hilarriari bere gustuko azken zertzelada margotu azken telefono zenbakia apuntatu eta ezabatzeko ezgauza.
Brooklyngo hilerri honetan eta bere koadro bakoitzean datzana.
|
||||
4. |
BAKARDADE DOSIA
02:51
|
|||
|
Bi begiri, aurrez aurre
Begiratuz, galde egin diet.
Erran,
«Noiz izanen dugu
gure bakardade dosia?»
Niretzat, bi sekretu
Eta entzun
Isiltasuna entzun
Ene ideiak biluztu
Bakardadea
Laguntzat hartuz.
Bi begi, aurrez aurre.
Ardo on baten
Poesia edan
Eman hartze
Nitaz ase
Aske
Arrotz senti nahi gabe
Ene istorioen ehizan.
|
||||
5. |
ALARGUN ZOROARENA
03:59
|
|||
|
«Etxebeltz» baserriko
Alargun zoroa,
egunez ez ageriko...
Gauaz irtetzen sorora...
Ta iluna zulatuaz
irrintzi zorrotzez
bere hitzok hegazka doaz
mendiz-mendi, oiartzunez
«Ni naiz ni naiz alargun zoroa!
Senar ta hiru seme batean galdua...
«Ni naiz ni naiz alargun zoroa!
Hien ohiak hoztu dizkik, guda madarikatua !
«Ni naiz ni naiz alargun zoroa!
egunaz gau egin ta gauaz irrintzi...
Beltzez jantzi, ileak aske utzi,
«Non dira beste zoro hoiek, gudan nahi zutenak hasi?»
|
||||
6. |
||||
|
Ihesi heldu gara lubaki hiltzaileetatik,
heriotzaren kontrako talka saihestu zezan gorputzak.
Ozta-ozta egin izan diogu izkin
mila buruko gerraren piztitzar ankerrari.
Kilometro aunitz ibili ditugu, biharko eguna
urrunago gerta dadin atzoko horroretik.
Higatu zaizkigu oinetakoak eguzki-galdatan,
arima gehixeago arraildu atergabeko erauntsietan.
Guztiz aldrebestu da mundua, zentzuz hustu.
Alabaina, bizi gara:
bakearen esperantzak eta hildakoen hitzak
berritzen ditugu gauero errefuxiatuon kanpamenduan.
Derrigorrezko utopia bana daramagu
sakela urratuetan,
ezinbertzean gauzatu beharrekoa,
gure erbestealdia amaituko bada.
|
||||
7. |
HAIZE GORRI BATEK
05:27
|
|||
|
Kolorerik ez duen haize bizi batek
Paratu ditu bazterrak dantzan
Pertsonak hostoak bailiran
Firin-faran
Harat-honatean
Emandako hitzak
Eta Oteizaren bufanda
Egindako promesak
debeku ororen landa.
Kolorerik ez duen haize zintzo batek
Margotu dizkizu ezpainak
Musuen joan-etorrian
Firin-faran
Hala dastatzen aritu zara
Sasoiko gezurrak
Eta gerezi geziak
Arestiren poemak,
Angela Davisen egiak.
Kolorerik ez duen haize gorri batek
Erantzi bezala zaitu jantzi
Larru merkeen merkatuan
Firin-faran
Negu minean
Ezusteko arrosak
Arrosak eta mitxoletak
Besarkada beroak
Bilaketak.
Haize gorri batek.
|
||||
ESTITXU Bera, Spain
Berako musikaria gazte hasi zen musikagintzan (Egan taldean 15 urterekin) eta ordutik hamaika proiektu ezberdinetan parte
hartu izan du. Horretaz gain, telebistarako ere aritu da lanean, abeslari moduan batzuetan eta epaile lanetan bertze batzuetan.
2019an bere lehen lana argitaratu zuen (Haize gorri batek, 2019). 2021eko azaroan bere bigarren diska aurkeztu du, "Isilik daude harriak" izenekoa.
... more
If you like ESTITXU, you may also like:
20 years into her career, Kate Nash returns with her debut for Kill Rock Stars, full of the rich songwriting for which she’s known.
go to album
Rooting for Love
by Laetitia Sadier
featured on Bandcamp Radio Jan 23, 2024
go to album
On the first new High Llamas record in 6 years, Sean O’Hagan creates abstract tracks that reflect the kaleidoscopic palette of modern pop.
go to album
New York duo showcase an enigmatic blend of math rock guitars, pop-punk sing-a-longs, emo confessionals, and even rave-ready synths.
go to album
Tamar Berk's effortlessly hooky power-pop arrives with as much bright polish as it does effervescent energy.
go to album
Giddy and ramshackle bedroom indie pop bursting with buoyant guitars and summery vocal hooks.
go to album
Diamond Violence
by Marker Starling
featured on Bandcamp Radio Sep 20, 2022
go to album
